Fernanda Tabarés é xornalista e directora de Voz Audiovisual. Gañou o premio Mestre Mateo á Mellor Comunicadora de Televisión 2013.

Se o xornalismo é un sector dirixido maioritariamente por homes, o da opinión é un xénero no que as mulleres levan anos pelexando para atopar o seu espazo nas páxinas dos xornais. Diana López, Emma Gascó, Anita Botwin e Ana I. Bernal Triviño constitúen esta mesa de debate.

Marta García Aller é xornalista e colabora con Onda Cero, como analista de economía e cronista de actualidade. Recibiu algúns dos premios máis prestixiosos do xornalismo económico.

Elisa Beni comezou a súa carreira profesional dirixindo un xornal, El Faro de Ceuta, e converteuse na directora de xornais máis nova que houbo en España. Foi columnista de La Razón, Tiempo e actualmente de eldiario.es.

María Varela é redactora xefa e columnista en Diario de Pontevedra. Recibiu o XIV Premio de Xornalismo Francisco Fernández del Riego 2016 polo texto Cóxegas e tortas, publicado en Diario de Pontevedra o 29 de abril de 2016.

Marta Peirano, xornalista en El País, La Sexta e RNE, expón a relación de tecnoloxía e poder e os perigos da desinformación.